حلا الفين تو اللزيزة

المقادير :





الطبقة الأولى:
بسكويت شاي - حليب لتغميس البسكويت فيه




الطبقة الثانية:
6 قطع جبن
علبتين قشطة
كيسين دريم ويب



الطبقة الثالثة:
1/2 كاس ماي
1/2 كاس فيمتو مركز
كيسين بودرة الكراميل




الطريقة:



طبعا نغمس البسكوت في الحليب



و نصف طبقتين منه في صينية البايركس



بعدين نخلط مكونات الطبقة الثانية بالخلاط



و نصبها فوق طبقة البسكويت و نساويها بالملعقة ( مهم أنها تكون ممستوية السطح )



ندخلها بالفريزر و نتركها حتى تبرد



بعد ساعة نسوي الطبقة الثالثة نحط الماي و الفيمتو و الكراميل



على النار و نظل نقلبه حتى قرب الغليان



بتلاحظي انه بدأ يصير الخليط أغلظ شوي



فأول ما تلاحظي قرب غليانه طفي النار



و خليه لحد ما تخف سخونته ( انتبهي لا تتركيه لحد ما يبرد عشان لا يجمد )



بعدين خرجي الصينية من الفريزر و صبي طبقة الفيمتو بشويش



و حاولي تميليها شوي شوي لحد ما تتغطى كامل الصينية من فوق



و دخليها الثلاجي بشكل مستو عشان تبرد و تتطلع الطبقة مستوية

و بالهناء و الشفاء